Sot do të varrosen eshtrat e martirëve të masakrës së Rezallës së Skënderajt, të cilat u gjetën në varrezën masive në Kizhevak të Serbisë.
Ceremonia e rivarrimit për martirët e masakrës së Rezallës, do të bëhet nën përkujdesjen e Kryetarit të Komunës së Skenderaj, Bekim Jashari dhe Komisionit Qeveritar për Personat e Zhdukur.
“Ceremonia e rivarrimit mbahet nesër me datë, 09.10.2021, nga ora 14:00, në Kompleksin e varrezave të martirëve në Rezallë. Lavdi martirëve të Rezallës dhe gjithë dëshmorëve e martirëve të Lirisë!”, thuhet në njoftim të Komunës së Skenderajt.
Më 30 shtator ishin sjellë në Kosovë nga Serbia, eshtrat e shtatë viktimave.
Në pritje të eshtrave të tyre në pikën e kufitare në Merdarë kishin dalë familjarë, Kryeministri i vendit, Albin Kurti, dhe i pari i Komunës së Skenderajt, Bekim Jashari si dhe Kryesuesi i Komisionit Qeveritar për Personat e Zhdukur, Andin Hoti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
