Një ngjarje me armë zjarri është regjistruar mbrëmjen e kësaj të enjteje në qytetin e Shkodrës.
Sipas informacioneve paraprake, të shtënat janë dëgjuar në zonën pranë ish-Fabrikës së Miellit, duke shkaktuar alarm te banorët e zonës.
Deri në këto momente nuk raportohet për persona të plagosur apo viktima, ndërsa rrethanat e ngjarjes mbeten ende të paqarta.
Menjëherë pas njoftimit, në vendngjarje kanë mbërritur forca të shumta policie, të cilat kanë nisur verifikimet dhe po punojnë për identifikimin e personave të përfshirë, si dhe për zbardhjen e plotë të incidentit.
Policia pritet të japë një njoftim zyrtar në vijim, ndërsa hetimet për rastin janë në zhvillim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
