Katër persona janë arrestuar në Elbasan pas një aksioni të koduar “Bradasheshi 2”, i cili çoi në sekuestrimin e një sasie prej 31 kg lëndë narkotike e llojit kanabis.
Malvin Kamberi, 27 vjeç, banues në Tiranë; Julian Laçi, 29 vjeç, banues në Tiranë; Nazmi Sylejmani, 51 vjeç, banues në Prishtinë, Kosovë; Robert Haderi, 51 vjeç, banues në Tiranë janë vënë në pranga pasi në fshatin Bradashesh, gjatë kontrollit të ushtruar nga efektivat e policisë është gjetur dhe sekuestruar në cilësinë e provës material 31 kg lëndë narkotike kanabis.
Gjithashtu, policia ka sekuestruar edhe 2 automjete dhe 8 telefona celularë të markave të ndryshme. Këta persona dyshohen se kanë transportuar lëndën narkotike nga Tirana në drejtim të Elbasanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
