Analistja Anduena Llabani tha në MCN Live se në telefonin personal të Ajola Xoxës, bashkëshortes së kryebashkiakut Veliaj, janë gjetur shumë fakte nga oficerët e BKH-së. Sipas Llabanit ajo duhet të japë shpjegime që si drejtuese e një fondacioni ka marrë dhe ka dhënë para. Llabani vë në dukje se kryebashkiakut Veliaj ia kanë prerë krahët, pasi njerëzit më të afërt i ka nën hetim.
“Kam idenë që spak ka avancuar në hetimin e rastit në fjalë. Në telefonin personal të Xoxës janë gjetur shumë fakte të mbledhura nga SPAK, dhe oficerët e BKH, provojnë faktin që Xoxa si drejtuese e një fondacioni ka marrë dhe ka dhënë para që duhet të japë nesër shpjegime. Për mua është fitore për SPAK-u kjo. Skema që është e përdorur është e huaj. Veliajt s’i është qepur vetëm SPAK-u, por edhe politika. Ne pamë dje një nga protestat e opozitës, që mes katër kryqëzimeve zgjodhi edhe Bashkinë e Tiranës. Të kërkosh qeveri teknike në një institucion vendor, do të thotë që edhe opozita është bërë me SPAK-un që Veliaj të ikë nga ai vend me doemos. Në informacionet e mia i kanë cuar atje, te Bashkia e Tiranës, pjesën më të madhe të protestuesve. Erionit ia kanë prerë krahët, sepse njerëzit më të afërt i ka nën hetim”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
