Gjykata e Shkallës së Parë Elbasan ka shtyrë seancën ndaj ish-ministrit të Brendshëm Saimir Tahiri.
Shkak është bërë mos paraqitja e avokatit Maksim Haxhia, i cili ndodhet në një tjetër seancë në Gjykatën e Apelit në Durrës.
Ende nuk është vendosur data për mbajtjen e seancës së radhës.
09:30 Saimir Tahiri në Gjykatën e Elbasanit, ish-ministri i Brendshëm kërkon uljen e dënimit
Ditën e sotme në ambientet e Gjykatës së Shkallës së Parë Elbasan në orën 10:00 do të mbahet seanca e radhës ndaj ish-ministrit të Brendshëm Saimir Tahiri.
Ish-ministri i Brendshëm Saimir Tahiri kërkon në Gjykatën e Elbasanit që t’i njihet koha gjatë të cilës ai ka shlyer një pjesë të dënimit të dhënë më 19 shtator të 2019.
Bëhet fjalë për dënimin e parë, ku ish-ministri u dënua me 3 vite e 4 muaj shërbim prove. Tahiri pretendon se ka shlyer pjesën më të madhe të këtij dënimi.
Nëse Gjykata e Elbasanit ia pranon këtë kërkesë, atij do i ulet dënimi me të paktën 1 vit e gjysme, nga 3.4 vite që është dënuar. Për shkak të uljes së dënimi, Tahiri po vuan dënimin me 3 vite e 4 muaj burg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
