Policia e Durrësit ka shoqëruar 12 persona në lidhje me atentatin mafioz të ndodhur gjatë ditës së sotme në mbikalimin e Sukthit, në Durrës.
Nga breshëria e olumbave të kallashnikovit mbetën të vrarë Ervin Dalipaj, ish-shef i Krimit Ekonomik në Policinë e Tiranës, dhe miku i tij, 27-vjeçari Juxhin Dauti.
Të dy udhëtonin në një makinë "Audi A8" të drejtuar nga Dalipaj, kur janë ndjekur nga një tjetër automjet i zi, me dy persona. Me shpejtësi marramendëse, pas ndjekjes, makina e autorëve ka lëshuar breshëri ndaj automjetit të Dalipajt, duke i lënë të dy të vdekur në vend.
“Grupi hetimor vijon hetimet intensivisht për identifikimin dhe kapjen e autorëve”, thotë Policia e Durrësit, teksa shton se “nga ana e uniformave blu janë shoqëruar 12 persona, me qëllim zbardhjen dhe zbulimin e plotë të ngjarjes”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
