Dy persona kanë vdekur si pasojë e Covid-19 në Kosovë, të moshave mbi 80 vjeç, një grua nga Podujeva dhe një burrë nga Novobërda.
Ndërkohë në 24 orët e fundit janë regjistruar edhe 32 raste të reja me koronavirus, gjashtë janë regjistruar në Prishtinë, katër në Gjilan, e dy në Ferizaj ndër të tjera.
Numri total i rasteve pozitive ka arritur në 227.471.
Ministria e Shëndetësisë së Kosovës ka njoftuar se gjatë 24 orëve të fundit janë testuar 902 persona, ndërsa janë shëruar 31 qytetarë, duke arritur shifrën totale të shëruarve në 223.746.
Ndërkaq raste aktive me koronavirus në Kosovë janë 591.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
