Mëngjesin e sotëm në Gjykatën e Shkallës së Parë në Shkodër janë marrë masa të forta sigurie.
Siç njofton korrespodenti i MCN tv nga Shkodra, sot do të zhvillohet seanca gjyqësore ndaj Igor Kokunov, 59 vjeçari i arrestuar në pikën kufitare të Muriqanit, i kërkuar nga Interpoli Ndërkombëtar në Rusi.
Mësohet se masat e rrepta të sigurisë janë ndërmarrë për shkak te informacioneve se bandat e Beogradit mund të ndërhyjnë për lirimin e tij.
Kokunov akuzohet për afro 30 vrasje ne Rusi ndërsa cilësohet edhe si koka e grupeve kriminale në Beograd, kryeqytetin e Serbisë.
Gjate qëndrimit në burgun e Reçit, ka patur informacione se bandat serbe mund të ndërhynin për arratisjen e tij ndaj janë marrë masa ekstreme sigurie duke bllokuar të gjithë rrugën e gjykatës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
