Autoriteti i Aviacionit Civil ka njoftuar se, në kuadër të aktiviteteve për festimin e Ditës së Pavarësisë së Shteteve të Bashkuara të Amerikës, do të vendoset një kufizim i përkohshëm i fluturimeve mbi zonën e Pallatit të Kongreseve në Tiranë.
Sipas njoftimit zyrtar, kufizimi do të jetë në fuqi më 17 qershor 2026, nga ora 18:00 deri në orën 21:00, në një lartësi deri në 120 metra mbi nivelin e detit dhe brenda një rrezeje prej 150 metrash nga qendra e Pallatit të Kongreseve.
Për këtë periudhë kohore, nuk do të lejohet operimi i mjeteve ajrore pa pilot (dronëve) në zonën e kufizuar. Kufizimi do të publikohet edhe përmes NOTAM-it përkatës, në bashkëpunim me Albcontrol.
Njoftimi
Të nderuar përfaqësues të medias, Autoriteti i Aviacionit Civil ju informon se, në kuadër të aktiviteteve për festimin e Ditës së Pavarësisë së Shteteve të Bashkuara të Amerikës, me kërkesë të autoriteteve përgjegjëse të sigurisë dhe në bashkëpunim me Albcontrol, do të vendoset një kufizim i përkohshëm i fluturimeve mbi zonën e Pallatit të Kongreseve.
Kufizimi do të jetë në fuqi më datë 17 qershor 2026, nga ora 18:00 deri në orën 21:00 (ora lokale), në një lartësi deri në 120 metra mbi nivelin e detit me nje rreze 150m nga qendra e Pallatit te Kongreseve, dhe do të publikohet nëpërmjet NOTAM përkatës.
Për këtë periudhë kohore, operimi i mjeteve ajrore pa pilot (dronë) në zonën e kufizuar nuk do të lejohet.
Duke marrë në konsideratë se disa media mund të planifikojnë përdorimin e dronëve për mbulimin mediatik të aktivitetit, ju lutemi të merrni masat e nevojshme për të shmangur planifikimin ose kryerjen e fluturimeve gjatë periudhës së kufizimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
