Një ngjarje e rëndë është zbuluar në Elbasan, ku një 37-vjeçar është vënë në pranga nga Policia, pasi dyshohet se ka abuzuar seksualisht me vajzën e mitur të bashkëjetueses së tij.
Sipas njoftimit zyrtar të Policisë, i arrestuari është shtetasi B. B., 37 vjeç, banues në Elbasan.
Ai akuzohet për veprën penale “Marrëdhënie seksuale me dhunë me të mitur të moshës 14-18 vjeç”, në ngarkim të një vajze 15-vjeçare.
Ngjarja është zbuluar pas kallëzimit të bërë pranë Policisë së Elbasanit.
Policia po vijon më tej hetimet për të zbuluar detaje të reja mbi ngjarjen e rëndë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
