Një 45-vjeçare nga fshati Zhejë i Kurbinit është proceduar penalisht nga policia, nën akuzën për “shkatërrim prone nga pakujdesia”. Burime nga policia bëjnë të ditur se shtetasja A. T., ka ndezur zjarr në tokën e saj, por i ka dalë jashtë kontrollit dhe si pasojë është djegur ullishtja në kondrën e fshatit.
“Vijon puna për vënien para përgjegjësisë ligjore të autorëve të zjarrvënieve. Policia procedon penalisht një shtetase për shkatërrim prone nga pakujdesia.
Specialistët për Hetimin e Krimeve në Komisariatin e Policisë Kurbin proceduan penalisht në gjendje të lirë shtetasen A.T.,45 vjeçe, banues në fshatin Zhejë, Kurbin. Procedimi ndaj kësaj shtetase filloi pasi në fshatin Zhejë , ka ndezur zjarr në tokën e saj dhe i ka dalë jashtë kontrollit duke ullishte në kodrën e fshatit”, thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë Kurbin, për veprën penale “Shkatërrimi i pronës nga pakujdesia”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
