Rreth orës 17:10, shtetasi Kostika Ruko, 29 vjeç, ka shkuar në spital për ndihmë mjekësore, pasi dyshohet të jetë plagosur me thikë nga dy shtetas ende të paidentifikuar.
I plagosuri është sulmuar pranë Liceut, në lagjen nr. 2 të qytetit. Sipas deklaratës paraprake, 29-vjeçari ka pohuar se personat që e sulmuan ishin të veshur me kapuç dhe nuk ka mundur t’i identifikojë dot.
Aktualisht, i plagosuri ndodhet në repartin e Reanimacionit në Spitalin e Korçës, me dëmtime nga thika në bark dhe në krah.
Në momentin e mbërritjes në spital, ai ka qenë i vetëdijshëm. Sipas informacioneve, grupi hetimor po mbledh pamjet nga kamerat e sigurisë në zonë, pasi ngjarja ka ndodhur në lagjen nr. 2, pranë Liceut në Korçë, një zonë që frekuentohet shpesh, sidomos në orarin kur ndodhi incidenti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
