Një biznesmen 46-vjeçar me origjinë shqiptare, Dzani Topalli, është denoncuar i zhdukur në Rodos të Greqisë. Sipas mediave greke, shtetasi shqiptar ka humbur kontaktet që prej mbrëmjes të së dielës.
Pas kontrolleve të kryera, efektivët e policisë kanë gjetur në Kalythies automjetin e biznesmenit Topalli, me xhamat hapur dhe pa çelësa.
Një dëshmitar vuri re automjetin mëngjesin e të hënës dhe njoftoi policinë ndërkohë që celulari i tij rezulton i fikur prej ditësh.
Dyshohet se biznesmeni shqiptar kishte dhënë shumë borxhe dhe po përpiqej të mblidhte detyrimet tek palët e tjera, ndërsa një ditë pasi humbi gjurmët ai do të kishte një takim me një pronar hoteli i cili duhet t’i paguante 30 mijë euro për punën që kishte bërë.
Natën e zhdukjes dyshohet se ai ka pasur takim me një tjetër biznesmen me të cilin kishte rënë dakord për të marrë një pjesë të parave që ai i kishte borxh. Ky i fundit ka deklaruar në polici se në momentin e fundit takimi i tyre ishte anuluar.
Policia ka kontrolluar të gjitha pikat e daljes nga ishulli Rodos për të rënë në gjurmët e biznesmenit shqiptar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
