Mbytet një pushues në Velipojë, dy të tjerë përfundojnë në spital

Një pushues ka humbur jetën ditën e sotme në Velipojë.

Mësohet se si pasojë e detit me shumë dallgë, 55-vjeçari i identifikuar si Pjetër Gjorovia ka gjetur vdekjen në zonën e Vilunit.

Sipas të dhënave nga vendi e ngjarjes bëhet me dije se kanë qenë tre pushues në rrezik për jetën, ku dy prej tyre janë shpëtuar nga roja bregdetare dhe stafi mjekësor i qendrës shëndetësore, ndërsa 55-vjeçari nuk ia doli dot.

Policia dhe grupi hetimor në vendngjarje po punojnë për zbardhjen e plotë të rrethanave.