Zbulohen në Tiranë tre lokale ku zhvillohej veprimtaria e kundërligjshme e basteve sportive, me celularë, duke vënë në pranga dy persona dhe shpallur në kërkim një tjetër.
Efektivët e komisariatit Nr. 6, si rezultat i kontrolleve të kryera në subjekte të ndryshme, në kuadër të operacionit të koduar “Fati i lojërave”, kanë evidentuar dhe goditur 3 raste të tjera të përshtatjes së lokaleve për organizimin e kundërligjshëm të lojërave të fatit, me celularë.
-Në vijim të veprimeve për këto raste u arrestua në flagrancë shtetasi A. B., 51 vjeç, dhe u shpall në kërkim shtetasi M. B., pasi në “Astir”, gjatë kontrollit në lokalin në pronësi të shtetasit M. B., shtetasit A. K., iu konstatuan në celular, faqe aktive për vënien e basteve sportive.
Gjithashtu u arrestua në flagrancë shtetasi E. A., 44 vjeç, dhe nisi procedimi penal për shtetasin N. L., pasi në rrugën “Sabaudin Gabrani”, gjatë kontrollit në lokalin në pronësi të shtetasit N. L., shtetasit E. A., iu konstatuan në celular, faqe aktive për vënien e basteve sportive.
Në vijim u proceduan penalisht shtetasit B. K., 58 vjeç dhe R. U., 56 vjeç, pasi në rrugën “Sabaudin Gabrani”, gjatë kontrollit në lokalin në pronësi të shtetasit R. U., shtetasit B. K., iu konstatuan në celular, faqe aktive për vënien e basteve sportive.
Celularët që i shërbenin kësaj veprimtarie të kundërligjshme u sekuestruan në cilësinë e provës materiale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
