Video/ Përplasen tre makina në Lushnje, nuk ka të lënduar

Tre automjete janë përplasur me njëra-tjetrën në hyrje të qytetit të Lushnjes.

Burime për MCN bëjnë me dije se fatmirësisht nuk raportohet për persona të lënduar përveçse dëme të shumta materiale.

Dyshohet se shkak i këtij aksidenti të trefishtë të jetë bërë, mos respektimi i rregullave në qarkullim.

Mjetet kanë tentuar të futen në parakalim dhe për shkak të lëvizjes së gabuar ata janë përplasur duke u goditur njëra pas tjetrës.

Grupi hetimor ndodhet në vendin e ngjarjes dhe po punon për sqarimin e plotë të shkaqeve të këtij aksidenti.