Hamza Uka, një nga personat e armatosur që iu dorëzuan policisë pas dhjetëra orëve negociata me forcat RENEA në Orosh, në vitin 2015 ishte arrestuar si i dyshuar për përgatitjen e fëmijëve dhe të rinjve për t’u bashkuar me organizatën ISIS.
Gazetari Ferdinand Dervishi, në një prononcim për emisionin “Të Paekspozuarit”, u shpreh se ligji parashikon nga 4 deri në 10 vite burg për veprat e lidhura me nxitjen e terrorizmit, ndërkohë që personat e arrestuar janë recidivistë.
Sot në gjykatë Hamza Uka ka bërë thirrje për sulme terroriste dhe problemi është se ligji parashikon vetëm 4-10 vite për nxitje të terrorizmit.
Në vitin 2019 u kap, u lirua, dhe jemi sërish në kushtet e përsëritjes së të njëjtës sjellje. Pretendohet se ka udhëtuar për t’u stërvitur, dhe kjo e bën situatën edhe më shqetësuese.
Fakti që këta persona janë përsëritës të veprave të rënda e bën masën aktuale të dënimit të parashikuar nga ligji tepër të ulët krahasuar me rrezikshmërinë që paraqesin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
