Një sherr me grushte ndodhi dje në ambientet e jashtme të Gjykatës së Rrethit Gjyqësor Fier.
Policia bën me dije se arrestoi 32-vjeçarin me inicialet I.V., si dhe procedoi 70-vjeçarin me inicialet J.V., pasi këta të fundit dhunuan një avokat, E. S., 37 vjeç.
NJOFTIMI
Në vijim të informacionit paraprak të dhënë ditën e djeshme, sipas të cilit në ambientet e jashtme të Gjykatës së Rrethit Gjyqësor Fier, u konfliktuan dhe u goditën me grushte, shtetasit J. V., 70 vjeç, I. V., 32 vjeç dhe E. S., 37 vjeç (37-vjeçari me profesion avokat), ju bëjmë me dije se:
Specialistët për Hetimin e Krimeve të Komisariatit të Policisë Fier arrestuan, për veprën penale "Kundërshtimi dhe goditja e gjyqtarit", shtetasin I. V., 32 vjeç, si dhe referuan materialet e nisi procedimi në gjendje të lirë, për shtetasin J. V., 70 vjeç, pasi kanë ushtruar dhunë fizike ndaj shtetasit E. S., 37 vjeç (me profesion avokat).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
