Shfrytëzonin të miturit për të lypur natën, arrestohen 4 persona në Tiranë

Katër persona janë vënë në prangat e policisë së Tiranës, të akuzuar për shfrytëzimin e të miturve për të lypur, kryesisht gjatë natës.

Efektivët e komisariatit nr.2 finalizuan operacionin e koduar “Filizat”, gjatë të cilit u ekzekutuan masat e sigurisë “arrest në burg”, për shtetasit E. B., 41 vjeç, R. S., 35 vjeç, M. R., 35 vjeç dhe M. G., 34 vjeç;

“Arrest në shtëpi”, për shtetaset L. B., 35 vjeçe, A. M., 41 vjeçe, M. S., 35 vjeçe dhe A. Sh., 35 vjeçe.

Nga veprimet hetimore disamujore, ka rezultuar se këta shtetas, individualisht dhe në bashkëpunim me njëri-tjetrin, shfrytëzonin për të punuar kryesisht gjatë natës, si dhe për të lypur, fëmijët e tyre të moshave 9-11 vjeç, në zona të ndryshme në juridiksion të Komisariatit të Policisë Nr. 2.

Ndaj të dyshuarve materialet iu referuan Prokurorisë së Tiranës, për veprime të mëtejshme, për veprën penale “Keqtrajtimi i të miturit”.