Detaje të reja kanë dalë në dritë nga atentati i ndodhur mëngjesin e kësaj të diele në Shkodër.
Burime bëjmë me dije se viktima, Ramzan Mataj ishte kthyer para 1 viti nga Belgjika.
Në vendin ku ka ndodhur vrasja shtëpitë nuk janë afër në distancë çka ka bërë që në momentin që është qëlluar drejt tij të mos dëgjohej gjë nga banorët e zonës të cilët vetëm në mëngjes e kanë konstatuar të pajetë në makinën tip Benz.
Policia po heton nëse ka pasur konflikte në Belgjikë gjatë periudhës që ka jetuar atje, pasi emri i 33 vjeçarit Mataj nuk është i njohur për uniformat blu apo për familjarët dhe banorët e zonës si një person problematik.
Është ngritur një grup i posaçëm hetimor dhe në drejtimin e Prokurorisë vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të rastit, identifikimin dhe kapjen e autorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
