Një katastrofë e rëndë mjedisore është regjistruar në rezervuarin e Kasharajt në Lushnjë, ku tonelata peshqish kanë ngordhur si pasojë e zbrazjes së ujit për shkak të punimeve rehabilituese në digë.
Situata është kthyer në një emergjencë të vërtetë, çka ka detyruar forcat e ushtrisë të zbarkojnë në zonë për të nisur pastrimin e menjëhershëm, pasi era e keqe e peshkut të dekompozuar ka pushtuar të gjithë zonën rrethuese.
Në një raportim të drejtpërdrejtë me telefon, gazetarja Evi Gjini, raportoi se rezervuari i Kasharajt u inspektua dy vite më parë nga Komiteti i Digave, i cili konstatoi rreziqe serioze. Për shkak të rrëshqitjes së tokës, diga e rezervuarit kishte nisur të çahej, duke kërcënuar sigurinë e zonës. Ky rezervuar, i cili fillimisht ishte krijuar për furnizimin me ujë të qytetit të Lushnjës dhe më pas u përcaktua për vaditjen e tokave bujqësore.
Gazetarja Evi Gjini bën me dije se Bashkia ia kishte dhënë më parë këtë rezervuar një privati për menaxhimin e rasatit të peshkut dhe ushtrimin e peshkimit. Kontrata e këtij personi kishte përfunduar që në vitin 2022. Megjithatë, edhe pse licenca nuk ishte rinovuar prej katër vitesh, aktiviteti i peshkimit vazhdonte të ushtrohej në mënyrë të paligjshme.
"Bashkia ia kishte dhënë një personi për rritjen e rasatit te peshkut për peshkim dhe këtij i kishte mbaruar kontrata në 2022, edhe pse licensa nuk ishte rionovuar ushtrohej akviviteti i peshkimit. Kanë nisur hetimet për këtë problem dhe janë marrë në pyetje personi që e ka shfrytëzuar për rasatin e peshkut".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
