Gjykata e Lezhës la të lirë kryetarin e njësisë e administrative Fushë-Kuqe në Kurbin, Kristo (Fred) Martinaj.
Ai u njoh këtë të enjte me masën e sigurisë. Gjyqtarja Edlira çota pranoi kërkesën e prokurorit Francesk Ganaj, duke vendosur masën e sigurisë “detyrim paraqitje” dhe bllokim pasaporte për 55-vjeçarin.
Ai u arrestua dy ditë më parë pasi dyshohet se kishte porositur shtetas të ndryshëm të hedhin inerte në lagunë, në afërsi të lokalit të tij në Patok. Ndaj tij u ngrit akuza pushtim i tokës dhe shpërdorim detyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
