Një 56-vjeçare është proceduar në gjendje të lirë nga Policia e Tiranës, pasi ndaj saj rëndon akuza e mashtrimit. Sipas informacionit zyrtar të Policisë, shtetasja me inicialet A. Sh., dyshohet se gjatë periudhës tetor-nëntor të këtij viti, nëpërmjet mashtrimit në rolin e fallxhores, i ka përvetësuar një shumë prej 11 mijë e 700 euro një 35-vjeçareje.
Dyshohet se fallxhorja i kishte premtuar shtetases Z.H., se do t’i ndryshonte fatin.
“Specialistët për Hetimin e Krimit në Komisariatin e Policisë Nr.2., proceduan në gjendje të lirë shtetasen A. Sh., 56 vjeçe, sepse gjatë periudhës tetor-nëntor të vitit 2020, nëpërmjet mashtrimit (në rolin e fallxhores), i ka përvetësuar shumën 11 mijë e 700 euro, shtetases Z. H., 35 vjeçe. Materialet iu dërguan Prokurorisë së Rrethit Gjyqësor Tiranë, për veprime të mëtejshme”, njoftoi policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
