Një makinë tip “Toyota”, është gjetur e djegur mbrëmjen e sotme në zonën e Thumanës. Sipas informacioneve paraprake, dyshohet se automjeti mund të jetë i autorëve të vrasjes së dyfishtë të ndodhur në zonën e “Astirit” në Tiranë. Brenda tij janë gjetur dy armë zjarri tip kallashnikov, ndërsa burimet bëjnë të ditur se mjeti dyshohet të jetë vjedgur në Tiranë. Të vrarë mbetën shtetasit Erigers Miihasi dhe Armando Dumani, të dy persona me precedentë të mëparshëm penalë.
"Ndërkohë në Thumanë është gjetur një automjeti tip "Toyota" duke u djegur dhe dyshohet se është automjeti që kanë përdorur autorët e ngjarjes. Targat e mjetit të djegur rezultojnë të vjedhura në Tiranë. Grupi hetimor nën drejtimin e Prokurorisë po punon për dokumentimin e ngjarjes si dhe grumbullimin e provave që çojnë në identifikimin e autorëve të ngjarjes", njofton policia.
Policia ka ngritur grupe të shumta kontrolli në hyrje dhe dalje të Tiranës për të bërë të mundur kapjen e autorëve. Ngjarja ndodhi në zonën e njohur “Dy rrathët” në Astir, kur viktimat u qëlluan me breshëri plumbash nga një automjet në lëvizje teksa po ecnin me një mjetin tip “Audi A8”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
