Arrestohet ish-shefi i krimeve në policinë e Durrësit. Krenar Behari u arrestua me urdhër të prokurorisë, pasi akuzohet për shkelje detyre.
Prokurori Arjan Ndoji lëshoi flet-arrestin për ish-shefin e krimeve, aktualisht në pozicionin e inspektorit të krimeve, pasi ka gjetur shkelje detyrë gjatë një arrestimi që Behari kishte kryer.
Sipas burimeve nga prokuroria, ai akuzohet se ka kryer veprime për arrestimin e një personi në kundërshtim me prokurorin.
Arrestimi është kryer për akuzën e shpërdorimit të detyrës, neni 248 i Kodit Penal.
Zyrtarisht nuk është dhënë asnjë detaj në lidhje me arrestimin e inspektorit të krimeve dhe nuk dihet për cilin rast arrestimi bëhet fjalë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
