Një sasi e madhe droge është kapur në Maqedoninë e Veriut rreth orës 01:00 të mesnatës së kësaj të enjteje.
Ministria e Punëve të Brendshme e Maqedonisë së Veriut ka bërë me dije se droga e llojit marijuanë u kap në rrugën rajonale Prilep-Gradsko, në një kamion me targa shqiptare e cila drejtohej nga një 40-vjeçar i identifikuar me inicialet B.J nga Shqipëria.
Zëdhënësi i Ministrisë së Brendshme të Maqedonisë së Veriut, Toni Angellovsi në një deklaratë për mediat tha se droga kishte destinacion Greqinë dhe ishte ndarë në 50 pako dhe pesha totale e saj ishte 50 kg.
Ndërkohë shoferi i kamionit është arrestuar, ndërsa Prokuroria e Prilepit pritet të marrë veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
