Policia e Tiranës ka arrestuar një 1 shtetas brazilian që shfrytëzonte një 24-vjeçare nga Brazili, për prostitucion, në ambiente që i merrte me qira ditore.
Në prangat e policisë kanë rënë A. M., 25 vjeç, për veprën penale “Shfrytëzimi i prostitucionit” dhe G. C., 24 vjeçe, për veprën penale “Prostitucioni”.
Nga veprimet hetimore ka rezultuar se shtetasi A. M. shfrytëzonte për prostitucion, shtetasen G. C., e cila e ushtronte këtë aktivitet në ambiente që shtetasi A. M. i merrte me qira ditore.
Gjatë ndërhyrjes në një banesë që e kishte marrë me qira ditore, shtetasi A. M., në bulevardin “Zogu i Parë”, për ushtrimin e kësaj veprimtarie, u konstatuan 24-vjeçarja dhe shtetasit R. P. dhe E. K.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
