Një ngjarje tragjike ka ndodhur ditën e djeshme në Dhërmi, ku një 20-vjeçar nga Kosova ka ndërruar jetë në rrethana ende të paqarta.
Sipas burimeve zyrtare nga Stacioni i Policisë së Dhërmit, rasti u raportua pranë një plazhi, në zonën e fushës së volejbollit, ku dyshohet se i riu ka humbur jetën për shkaqe natyrore.
Viktima është identifikuar si A. H., 20 vjeç, banues në Kosovë, i cili ndodhej me pushime në bregdetin shqiptar së bashku me miqtë e tij.
Autoritetet kanë njoftuar se autopsia do të kryhet pranë Institutit të Mjekësisë Ligjore në Tiranë, me qëllim përcaktimin e saktë të shkakut të vdekjes.
Ndërkohë, materialet i janë referuar Prokurorisë për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
