Tre persona të akuzuar për shpërndarje droge janë vënë në prangat e policisë së Durrësit, në kuadër të operacionit të koduar “Spring”.
Si rezultat, u arrestua në flagrancë Haxhi Çela, 34 vjeç, banues në Lushnjë, për veprën penale “Prodhimi dhe shitja e narkotikëve”, kryer në bashkëpunim.
Gjatë operacionit, pranë mbikalimit të Shkozetit, shërbimet e Policisë ndaluan për kontroll automjetin që drejtohej nga shtetasi Haxhi Çela, i dyshuar se po transportonte lëndë narkotike me qëllim shitjen në zonën e Lushnjës.
Gjatë kontrollit në bagazhin e automjetit, u gjet dhe u sekuestrua një sasi lënde narkotike e dyshuar e llojit kanabis sativa, me peshë rreth 3.5 kilogramë.
Në vijim të veprimeve hetimore dhe operacionale, u bë i mundur lokalizimi, kapja dhe arrestimi i dy shtetasve të tjerë, konkretisht Ardis Kraja, 43 vjeç dhe Gerald Kuqi, 25 vjeç, banues në Durrës, për veprat penale “Prodhimi dhe shitja e narkotikëve”, kryer në bashkëpunim dhe “Prodhimi dhe mbajtja pa leje e armëve të ftohta”.
Nga veprimet e para hetimore rezultoi se këta dy shtetas i kishin shitur Haxhi Çela, në zonën e Spitallës, lagjja nr. 15, lëndën narkotike që iu sekuestrua gjatë këtij operacioni.
Gjatë kontrollit në automjetin me të cilin udhëtonin Ardis Kraja dhe Gerald Kuqi, shërbimet e policisë gjetën dhe sekuestruan edhe një dorezë hekuri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
