Me automatik në makinë gati për shitje, arrestohet i riu në Tiranë

Një person është kapur në flagrancë nga policia e Tiranës, me një automatik kallashnikov me vete, të cilin planifikonte që ta shiste.

Gjatë operacionit të koduar “Dark Trade”, duke lëvizur me makinë, në aksin rrugor “Pezë Helmës- Ndroq”, u prangos shtetasi E. H., 25 vjeç, banues në Kurbin.

Nga kontrollet në automjet u gjet një armë zjarri kallashnikov me municion, të cilën 25-vjeçari dyshohet se do ta shiste në zonën ku u kap.

Më tej, nga veprimet hetimore është identifikuar bashkëpunëtori i shtetasit E. H., shtetasi F. C., 19 vjeç, banues në fshatin Pezë. 

Aktualisht vijon puna për lokalizimin dhe kapjen e tij, ndërkohë që për ndjekje të mëtejshme materialet iu referuan Prokurorisë Tiranë.