Një sasi tjetër kokaine është kapur në një nga kontenierët e firmës “Alba Exotic Fruit”.
Burimet zyrtare bëjnë me dije se mesditën e sotme pas kontrollit në dy nga kontenierët e ngarkuar me banane që vinin nga Ekuadori është gjetur një sasi prej 10 kilogramë e 185 gramë lëndë narkotike kokaine.
“Në kuadër të operacionit “Rada”, të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, strukturat hetimore të Drejtorisë Vendore të Policisë Durrës dhe autoritetet doganore të Portit është gjetur dhe sekuestruar lëndë narkotike kokainë, në një nga kontenierët për llogari të firmës “Alba Exotic Fruit”, tjetër sasi kokaine është sekuestruar ditën e sotme.”, shkruan ndër të tjera policia.
Ndërkohë Task Forca që operon në Portin e Durrësit dhe Drejtoria Hetimore në Departamentin e Policisë Kriminale në Policinë e Shtetit vijojnë veprimet hetimore, nën drejtimin e SPAK-ut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
