Policia e Tiranës ka njoftuar arrestimin e dy personave në qytetin e Kamzës për veprën penale dhunë në familje. Policia thotë se të arrestuarit kanë ushtruar dhunë ndaj familjarëve të tyre. Autoritetet hetimore kanë nisur punën për zbardhjen e rrethanave të ngjarjes. Në njoftimin e 24 orëve të fundit Policia njofton edhe për pesë arrestime për vepra të ndryshme penale. Tiranë Specialistët për Hetimin e Narkotikëve arrestuan shtetasin B. M., 25 vjeç, banues në Tiranë, pasi gjatë kontrollit fizik, në rrugën "Pandi Dardha", shërbimet e Policisë, i gjetën dhe sekuestruan sasi të vogël lënde të dyshuar narkotike kokainë. Specialistët për Hetimin e Krimeve të Komisariatit të Policisë Nr. 5 arrestuan shtetasit B. D., 57 vjeç, dhe G. D., 25 vjeç, të dy banues në Kamëz, pasi kanë ushtruar dhunë ndaj familjarëve të tyre. Specialistët e Qarkullimit Rrugor arrestuan shtetasit: - E. K., 35 vjeç, banues në Tiranë, pasi në rrugën “Njazi Meka”, u kap duke drejtuar në gjendje të dehur, mjetin tip “Ford”; - Sh. S., 18 vjeç, banues në Belgjikë, pasi në bulevardin “Bajram Curri”, u kap duke drejtuar pa leje drejtimi, mjetin tip “Volkswagen”. -Më datë 26.06.2023 është paraqitur në komisariat shtetasi R. O., 34 vjeç, i cili ka kallëzuar se në rrugën "Ali Visha", është kanosur me fjalë nga një shtetas që nuk e njeh. Punohet për sqarimin e rrethanave të ngjarjes. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
