Policia e Shkodrës ka arrestuar një 28-vjeçar me iniciale G.U pasi është kapur në flagrancë jashtë banesës së tij, ndërkohë që ishte me masë sigurie "Arrest në shtëpi". Mbi 28-vjeçarin ishte vendosur kjo masësepse ka ushtruar dhunë ndaj babait të tij. Në njoftimin e policisë thuhet: Shkodër Theu masën e sigurisë "Arrest në shtëpi", vihet në pranga 28-vjeçari. Specialistët e Seksionit për Hetimin e Krimeve të Komisariatit të Policisë Shkodër kanë arrestuar në flagrancë shtetasin G. U., 28 vjeç, banues në Shkodër. Ky shtetas u arrestua pasi është kapur në flagrancë jashtë banesës së tij, ndërkohë që ishte me masë sigurie "Arrest në shtëpi", të caktuar nga Gjykata e Shkallës së Parë e Juridiksionit të Përgjithshëm Shkodër, me vendimin e datës 07.07.2023, për veprën penale “Dhuna në familje”, sepse ka ushtruar dhunë ndaj babait të tij. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
