Një ngjarje e rëndë ka ndodhur sot në qytetin e Durrësit. Sipas informacioneve zyrtare, një fëmijë ka rënë nga kati i tretë i shtëpisë. Ngjarja ka ndodhur në lagjen numër 13 ose të njohur ndryshe si Plazhi pak pas mesditës së sotme.
Fëmija me iniciale E.M., 4 vjeç është dërguar menjëherë në spital nga familjarët dhe ndodhet në gjendje të rëndë.
Paraprakisht dyshohet se ngjarja është aksidentale dhe foshnja ka rënë nga dritarja e katit të tretë të banesës. Gjithsesi policia po heton për zbardhjen e plotë të rrethanave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
