Një 75-vjeçar është arrestuar nga Policia e Librazhdit pasi dyshohet se ka plagosur me thikë një 46-vjeçar gjatë një konflikti për motive të dobëta. Ngjarja ka ndodhur mbrëmjen e 4 marsit, rreth orës 20:20, pranë urës së qytetit të Librazhdit.
Sipas policisë, shtetasi H. D., 75 vjeç, dyshohet se ka goditur me mjet prerës shtetasin S. M., 46 vjeç, i cili ndodhet në kujdesin e mjekëve dhe është jashtë rrezikut për jetën.
Në lidhje me ngjarjen është arrestuar edhe A. H., 48 vjeç, i dyshuar për “moskallëzim krimi” dhe “veprime që pengojnë zbulimin e së vërtetës”, pasi dyshohet se ka fshehur thikën e përdorur dhe nuk ka njoftuar policinë.
Gjithashtu, është proceduar penalisht bashkëshortja e tij, E. H., 44 vjeçe, e dyshuar se ka bashkëpunuar për fshehjen e mjetit prerës, si dhe vetë i dëmtuari S. M., pasi ka refuzuar të japë informacione për rrethanat e ngjarjes.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm në Elbasan për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
