Dhunoi seksualisht të miturën në Kamzë/ Apeli lë në fuqi dënimin për rojën e shkollës

65-vjeçari Abaz Dogu, roja i shkollës në Babrru, vitin e kaluar u dënua pas akuzës se abuzoi seksualisht më një të mitur.

Ndërkohë sot Gjykata e Apelit ka lënë në fuqi vendimin e Gjykatës së Tiranë, e cila ka shpallur fajtor ish-rojen e shkollës në Babrru, Abas Doga, pasi abuzoi me një vajzë të mitur. Kësisoj, Doga do të vuaj dënimin prej 18 vitesh burg dhe me gjykim të shkurtuar, ai do të bëjë 12 vite burg.

Po ashtu, fajtor për përdhunimin e të miturës është shpallur edhe Klajdi Poçi, 20 vjeç, i cili me gjykim të shkurtuar do të bëjë shtatë vjet e katër muaj burg.

Fajtor është shpallur edhe i mituri R.O, 16 vjeç, i cili do të kryejë 3 vjet e 8 muaj burg. Edhe i mituri tjetër F.B, 15 vjeç, u shpall fajtor dhe e presin 3 vite e katër muaj burg.

Kujtojmë se kjo është kjo historia e përdhunimit të 15 vjeçare të mitur në një shkollë në Kamzë, e cila është abuzuar nga pensionisti 65 vjeçar. Roja i shkollës e ka filmuar të gjithë marrëdhënien e më pas  e ka  shpërndarë videon në kafenenë e lagjes tek tre të rinjtë K.P 20 vjeç, R.O 16 vjeç, F.B 15 vjeç.

Të rinjtë duke shantazhuar 15 vjeçaren i kanë kërkuar po ashtu asaj marrëdhënie seksuale dhe për disa ditë rresht kanë abuzuar me të.

Njoftimi për media

Siç  është  raportuar edhe në media të ndryshme, ngjarja e ndodhur në  datën 29.05.2020 në Kamëz Tiranë, mbi kallëzimin e bërë nga shtetësja e mitur me iniciale S.TH, janë akuzuar për kryerjen e veprës penale  të "Marrëdhënie seksuale ose homoseksuale me dhunë me të mitur të moshës 14-18 vjeç",  shtetasi me iniciale A.B roje shkolle, shtetasi me iniciale K.P,  si dhe të miturit në konflikt me ligjin R.O dhe F.B. Referuar interesimit të medias për këtë rast njoftojmë se:

Në Gjykatën e Rrethit Gjyqësor Tiranë, u zhvillua gjykimi lidhur  me çështjen penale me të pandehur  A.B, K.P, F.B dhe R.O , të akuzuar për kryerjen e veprës penale  të "Marrëdhënie seksuale ose homoseksuale me dhunë me të mitur të moshës 14-18 vjeç" , e parashikuar nga neni 101/2 i K.Penal.

Lidhur sa më sipër, Gjykata e Rrethit Gjyqësor Tiranë  me vendimin nr. 31  datë 13.01.2021 ka vendosur:

-Deklarimin fajtor të të pandehurit  A.B, për kryerjen e veprës penale "Marrëdhënie seksuale ose homoseksuale me dhunë me të mitur të moshës 14-18 vjeç" , e parashikuar nga neni 101/2 i K.Penal dhe dënimin me 12 (dymbëdhjetë) vjet burgim

-Deklarimin fajtor  të të pandehurit  K.P, për kryerjen e veprës penale "Marrëdhënie seksuale ose homoseksuale me dhunë me të mitur të moshës 14-18 vjeç", e parashikuar nga neni 101/2 i K.Penal dhe dënimin me 7 (shtatë) vjet burgim..

-Deklarimin fajtor të të pandehurit  R.O, për kryerjen e veprës penale "Marrëdhënie seksuale ose homoseksuale me dhunë me të mitur të moshës 14-18 vjeç",, , e parashikuar nga neni 101/2 i K.Penal dhe dënimin me 3 (tre) vjet e 8 (tetë) muaj burgim.

- Deklarimin fajtor të të pandehurit  F.B, për kryerjen e veprës penale "Marrëdhënie seksuale ose homoseksuale me dhunë me të mitur të moshës 14-18 vjeç",, , e parashikuar nga neni 101/2 i K.Penal dhe dënimin me 3 (tre) vjet e 4 (katër) muaj burgim.

-Çështja në apel u shqyrtua mbi bazën e ankimit të bërë nga i pandehuri  me iniciale A.B, ku avokati i tij kërkoi  ndryshimin e vendimit  penal duke i caktuar të pandehurit një masë dënimi më të butë.

-  Çështja në apel u shqyrtua mbi bazën e ankimit të bërë nga i mituri në konflikt me ligjin shtetasi  me iniciale F.B, ku avokati i tij kërkoi  ndryshimin e vendimit  penal duke u aplikuar nenin 59 K.P.

- Çështja në apel u shqyrtua mbi bazën e ankimit të bërë nga i pandehuri  me iniciale K.P, ku avkati i tij kërkoi  ndryshimin e vendimit  penal  duke u aplikuar nenin 59 K.P.

- Çështja në apel u shqyrtua mbi bazën e ankimit të bërë nga i mituri në konflikt me ligjin shtetasi  me iniciale R.O, ku avokati i tij kërkoi  ndryshimin e vendimit  penal duke u aplikuar nenin 59 K.P.

-- Çështja në apel u shqyrtua mbi bazën e ankimit të bërë nga viktima e veprës penale  me iniciale S.Th, ku avokatia e saj kërkoi  ndryshimin e vendimit  penal duke caktuar një masë dënimi më të lartë.

Në vijim, Gjykata e Apelit Tiranë me vendimin nr. 521 datë  02.11.2021 vendosi:

• Lënien në fuqi të vendimit nr.31, date 13.01.2021 të Gjykatës së Rrethit Gjyqësor Tiranë, përsa i përket të pandehurit A.D dhe të miturve në konflikt me ligjin F.B dhe R.O, duke e ndryshuar atë vetëm në lidhje me ekzekutimin e dënimit me burgim për të miturit në konflikt me ligjin F.B dhe R.O.  .
  -Ne aplikim të nenit 59 të K.Penal, urdhërohet pezullimi i ekzekutimit të dënimit me burgim, për pjesën e pavuajtur të tij, për të miturin në konflikt me ligjin F.B, për një afat prove prej 4 vjet, me kusht që të mos kryejë vepër tjetër penale.
  -Ne aplikim të nenit 59 të K.Penal, urdhërohet pezullimi i ekzekutimit të dënimit me burgim, për pjesën e pavuajtur të tij, për të miturin në konflikt me ligjin R.O, për një afat prove prej 4 vjet, me kusht që të mos kryeje vëper tjetër penale.
• Mospranimin e ankimeve të mbrojtësit dhe të të pandehurit K.P si dhe të viktimës S.Th