Një person me precedentë të mëparshëm kriminal për vjedhje dhe në fushën e narkotikëve është arrestuar nga policia pasi vodhi me dhunë në rrugë, varësen e floririt që mbante një 19-vjeçare.
Pas denoncimit të bërë nga një 19-vjeçare, se në lagjen "Xhevdet Nepravishta", Lushnjë, një shtetas i kishte vjedhur me dhunë, varësen e floririt që mbante, shërbimet e Komisariatit të Policisë Lushnjë finalizuan operacionin policor të koduar “Rrugica”, për identifikimin e autorit dhe dokumentimin e ngjarjes.
Si rezultat i operacionit, në bashkëpunim me shërbimet e Komisariatit të Policisë Fier u kap shtetasi Ermal Lloshi, 34 vjeç, banues në Fier, për veprën penale "Vjedhja me dhunë".
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
