Një plagosje me armë zjarri është regjistruar pasditen e djeshme në qytetin e Përmetit.
Nipi i mitur ka plagosur aksidentalisht me armë zjarri sportive dajën e tij, teksa kanë qenë duke luajtur në oborrin e shtëpisë.
Rreth orës 14:30, datë 31.08.2021, në Përmet, shtetasi i mitur R. U., duke luajtur në oborrin e banesës, dyshohet se aksidentalisht ka goditur në shpatull me armë sportive (dajën e tij) shtetasin Nj. L., 28 vjeç, banues në Përmet, i cili ndodhet në Spitalin Gjirokastër, jashtë rrezikut për jetën", thotë policia.
Grupi hetimor sekuestroi në cilësinë e provës materiale armën sportive. Gjithashtu policia njofton se specialistët e Seksionit të Hetimit të Krimeve në Komisariatin e Policisë Përmet referuan materialet në Prokurorinë pranë Gjykatës së Shkallës së Parë dhe për B. A., 38 vjeç, i cili dispononte armën sportive pa lejen përkatëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
