Vjedh automjetin për ta shitur për skrap, arrestohet 42-vjeçari në Tiranë

Policia e Tiranës njofton arrestimin e një 42-vjeçari, i cili ka vjedhur një automjet me qëllim shitjen për skrap.

Si rezultat i një pune të mirëorganizuara, u kap dhe u arrestua në flagrancë shtetasi A. A., 42 vjeç, banues në Tiranë.

 Ky shtetas, ditën e djeshme, në rrugën "Niko Avrami", ka vjedhur automjetin në pronësi të shtetasit E. A., dhe më pas e ka dërguar në një pikë skrapi për ta shitur.

Në vijim të veprimeve, u referuan materialet në Prokurori, ku nisi procedimi në gjendje të lirë për shtetasin B. Gj., 38 vjeç, pasi gjatë kontrollit në pikën e skrapit, në pronësi të tij, u gjet dhe u sekuestrua automjeti i vjedhur. 

Materialet procedurale i kaluan Prokurorisë, për veprime të mëtejshme.