Një 63-vjeçar i shpallur në kërkim është vënë në pranga nga Policia në Vau i Dejës, i akuzuar për kultivim të bimëve narkotike.
Specialistët e Seksionit për Hetimin e Krimeve në Komisariatin e Policisë Vau i Dejës, bazuar në informacionet e siguruara në rrugë operative, kanë kapur dhe ndaluar shtetasin me iniciale M. B., banues në fshatin Qerret.
Ndaj tij, Gjykata e Shkallës së Parë e Juridiksionit të Përgjithshëm Shkodër kishte caktuar masën e sigurisë “Arrest në burg”, për veprën penale “Kultivimi i bimëve narkotike”.
Sipas hetimeve, 63-vjeçari dyshohet se kishte kultivuar 130 bimë narkotike në fshatin Qerret. Këto bimë janë zbuluar dhe asgjësuar nga shërbimet e Policisë në muajin gusht të vitit 2025.
Materialet procedurale i janë referuar Prokurorisë së Shkodrës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
