Maqedonia e Veriut ka shënuar gjatë 24 orëve të fundit numrin më të ulët të të infektuarëve me Covid-19, vetëm shtatë raste të reja, ndërkohë vazhdon me numrin e lartë të vdekjeve, si pasojë e kësaj sëmundje.
Sipas raportit të fundit nga ministria e Shëndetësisë, nga 1 418 testime janë konfirmuar të infektuar me Covid vetëm 7 raste të reja, të gjitha në Shkup.
Ndërkohë kanë humbur jetën 18 persona të infektuar me Covid.
Gjatë 24 orëve të fundit në Maqedoni betejën me Covid e kanë fituar 71 pacientë.
Me shtatë rastet e sotme, numri i përgjithshëm i të infektuarve shkon në 155.067, prej të cilëve 146.940 janë shëruar, ndërsa 5.329 kanë ndërruar jetë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
