Elefterios Sullaj, efektivi i arrestuar me urdhër të SPAK është lënë në burg nga GJKKO.
Kjo e fundit ka rrëzuar kërkesën e tij për një masë më të butë sigurie, duke e lënë në burg të paktën deri në përfundim të hetimeve.
Efektivi, Sullaj u arrestua rreth një muaj më parë së bashku me dy bashkëpunëtorët e tij, Mikel Zhegun, dhe Eris Tafën.
Sipas SPAK, Sullaj ndihmonte dy personat e lartpërmendur që të shmangnin kontrollet e kolegëve të tij, për të shpërndarë drogë në Tiranë.
Ai ka bërë shpërndarje në zonën e ish-Bllokut dhe zonën e Komunës së Parisit. Arrestimi i tyre erdhi pas disa muajsh hetime të SPAK, hetime të cilat janë kryer me metoda proaktive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
