Vijon eksporti i kanabisit shqiptar drejt shteteve fqinj. Policia greke ka arrestuar një 40-vjeçar shqiptar në Igumenicë, i njohur me pseudonimin ‘Laço” pisi i është sekuestruar një sasi droge.
Ai është Vladimir Mece, banues në fshatin Ciflik të Sarandës është kapur në Sivota, ndërsa rezulton i dënuar dhe më parë në shtetin grek për trafik droge.
40-vjeçari Meçe (Laço) është kapur me një gomone me të cilën kishte mbërritur në orët e para nga Shqipëria dhe kishte shkarkuar drogë që mendohet të jetë rreth 200 kg marijuane.
Fill pas kësaj është njoftuar policia e Athinës dhe siç raportohet ka arritur të kape dy makinat që kishin ngarkuar drogën nga gomonia shkruan BW. Por sipas mediave Helene policia po vijon operacionin për arrestimin e të gjithë grupit që merret me lëndët narkotike.
MECE ME PRECEDENT PENAL
Po ashtu, raportohet se në shkurt të 2010 në stanin e 40-vjeçarit në Ciflik u gjeten 240 kg marijuanë, por për ngjarjen u dënua vetëm babai i tij, Mehmet Mece, në atë kohë 70 vjeç me 4 muaj burg për “moskallëzim krimi”. Ndërkaq, në nëntor të 2013-ës Mece u kap në Sajadhe të Igumenicës bashkë me dy të tjerë me një gomone me 374 kg marijuanë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
