Policia e Shtetit bën me dije se është goditur një tjetër rast i mosdeklarimit të të hollave në kufi.
Nga ky operacion janë sekuestruar 33 mijë dollarë dhe është proceduar penalisht një 43-vjeçar.
Gjithashtu, policia informon se po vijojnë kontrollet e imtësishme për parandalimin, evidentimin dhe goditjen e paligjshmërisë.
“Shërbimet e Policisë në Rinas në bashkëpunim me shërbimet e Doganës dhe Antitrafikut në hyrje të PKK Rinas, kanë kaluar në vijën e dytë, për kontroll më të detajuar të bagazheve, shtetasin turk NP., 43 vjeç”, shkruhet në deklaratë.
Si rezultat i kontrollit, shërbimet e Policisë Kufitare kanë gjetur të fshehura në çantën e laptopit, 33 mijë dollarë, të cilat ky shtetas nuk i kishte deklaruar.
Në vijim të veprimeve, ai u procedua penalisht për veprën penale “Mosdeklarim në kufi i të hollave dhe i sendeve me vlerë”, si dhe u sekuestrua në cilësinë e provës materiale shuma e dollarëve.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
