Policia ka sekuestruar armën e zjarrit që dyshohet se u përdor nga 17-vjeçarja, e cila mbeti e plagosur rëndë më 14 korrik, pas një tentative për vetëvrasje në lagjen "Kushtrimi" të Vlorës.
Pistoleta u gjet e fshehur brenda një qeseje plastike, në një vend grumbullimi materialesh shtëpiake, pranë banesës së gjyshërve të të miturës.
Arma është sekuestruar si provë materiale dhe do t’i nënshtrohet ekspertizës nga Instituti i Policisë Shkencore, për të dokumentuar plotësisht ngjarjen.
Ndërkohë, materialet shtesë i janë referuar Prokurorisë pranë Gjykatës së Shkallës së Parë të Juridiksionit të Përgjithshëm në Vlorë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
