Kolegji i Posaçëm i Apelimit ka lënë në fuqi vendimin e Komisionit të Pavarur të Kualifikimit për shkarkimin nga detyra të gjyqtarit Jak Ndoka.
Gjatë seancës dëgjimore të viit të kaluar, Komisioni ngriti dyshime se gjyqtari i Lezhës, Jak Ndokai nuk arriti të kundërshtonte barrën e provës për pasurinë dhe për këtë arsye hetimi u përfundua vetëm në këtë kriter.
Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Mimoza Tasi relatore, Ina Rama, Natasha Mulaj, Sokol Çomo anëtarë, shpalli vendimin pas ankimimit nga gjyqtari Ndoka ndaj vendimit të KPK-së.
Në përfundim të gjykimit në dhomë këshillimi, trupi gjykues vendosi lënien në fuqi të vendimit të marrë në nëntor të një viti më parë nga Komisioni i Pavarur i Kualifikimit për shkarkimin e gjyqtarit të Lezhës.
Kujtojmë se Jak Ndoka e ka nisur karrierën në sistemin shqiptar të drejtësisë në vitin 1995. Prej gati dy dekadash, ai ka punuar kryetar dhe gjyqtar i Gjykatës së Rrethit Gjyqësor Lezhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
