Policia e Dibrës ka arrestuar dy vëllezër, pasi janë konfliktuar për motive të dobëta me dy punonjës policie që ndodheshin jashtë detyrës dhe kanë kundërshtuar punonjësit e patrullës gjatë shoqërimit. Dy të rinjtë, gjatë konfliktimit, i kanë shkaktuar dëmtime të lehta trupore dy punonjësve të policisë.
Për ta rëndojnë akuzat “Plagosja e lehtë me dashje”, kryer në bashkëpunim dhe “Kundërshtimi i punonjësit të policisë së rendit publik”. “U konfliktuan për motive të dobëta me dy shtetas duke u shkaktuar dëmtime të lehta trupore, si dhe kundërshtuan punonjësit e Policisë gjatë shoqërimit në Komisariat, vihen në pranga 2 vëllezërit. Nga specialistët për Hetimin e Krimit në Komisariatin e Policisë Dibër u bë arrestimi në flagrancë i dy vëllezërve me iniciale R. T., 22 vjeç dhe K. T., 24 vjeç, banues në Dibër”, njoftoi policia.
Policia njoftoi se ngjarja ka ndodhur në qytetin e Peshkopisë, ku dy vëllezërit janë konfliktuar për motive të dobëta me dy shtetas ( punonjës policie që ndodheshin jashtë detyrës), duke u shkaktuar dëmtime të lehta truprore. Menjëherë kanë ndërhyrë shërbimet e Patrullës për shoqërimin në Komisariat të dy vëllezërve, të cilët i kanë kundërshtuar punonjësit e patrullës duke i penguar në kryerjen e detyrave të tyre funksionale.
Materialet procedurale i kaluan Prokurorisë së Rrethit Gjyqësor Dibër, për veprat penale “Plagosja e lehtë me dashje”, kryer në bashkëpunim dhe “Kundërshtimi i punonjësit të policisë së rendit publik”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
