Shtatë muaj hetime për abuzime me fondet e projekteve të BE-s të ndjekura nga Prokurorja Elida Kaçkini dërguan në qeli ish-ministrin e shëndetësisë Ilir Beqaj. Ndaj tij ky është procedimi i dytë pasi më herët nga SPAK u hetua për aferën e sterilizimit me akuzën e shpërdorimit të detyrës.
Prej afro 1 viti përballet me drejtësinë nga ku beteja e tij nisi me një kërkes pushim hetimit, por fati i rezervoi ish-ministrit të Shëndetësisë qelitë e burgut.
z.Ilir Beqaj i cili u kallëzua për aferën e konçesionit të sterilizimit nuk u arrestua për të, por një hetim i ndjekur nga Prokurorja Elida Kaçkini ka zbuluar një tjetër aferë.
Këtë radhë bëhet fjalë për skemën e faturave fiktive për të vjedhur paratë e projketeve në zyrën SASPAC një bashkëfinancim i BE-së dhe qeverisë shqiptare.
Ky është vendimi që do t’i hapte rrugë arrestimit të z.Beqaj edhe pse në dyert e gjykatës për javë e muaj ai pretendonte jo vetëm pafajsinë por edhe pamundësinë financiare për të paguar shpenzimet gjyqësore.
Në të njëjtin operacion me arrestimin e Beqajt masat janë dhënë edhe për bashkëpunëtorët e tij si: Ermal Kurtulaj dhe biznesmeni Alfred Nikollaj në burg. Ndërkohë do të hetohen në një masë sigurie më të butë Gazmend Haxhia, Elton Marini, Bledar Leka, Bjona Zijaj.
Prokurorime Fiktive, Deklarim i Rremë Pasurie dhe Shëprdorim detyre, Favorizim në tendera dhe Korrupsion janë ndër veprat penale që çuan këta shtetas e mes tyre z.Beqaj në qeli me kërkesë të SPAK.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
