Një shqiptar i cili prej afro dhjetë ditësh trajtohej në spital me djegie të shumta në trup, ka ndërruar jetë ditën e sotme në Greqi.
Viktima është një shqiptar i moshës 58-vjeçare, i cili kishte pësuar djegie të shumta si pasojë e një shpërthimi në një garazh makinash në Selanik, vend ku dhe ishte punësuar.
Siç raportojnë mediat e shtetit fqinj, shkak për shpërthimin është bërë një gropë gazi.
Ngjarja e rëndë u shënua më 29 nëntor, por gjatë këtyre ditëve shqiptari po trajtohej në spitalin e Selanikut, deri kur paraditen e sotme ndërroi jetë, duke mos ia dalë të mbijetojë.
Lidhur me ngjarjen autoritetet policore greke janë duke hetuar, për të hedhur dritë mbi rrethanat e shpërthimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
