Një kandidat për deputet i Partisë Demokratike në Mat, ka denoncuar në polici shpërndarjen e produkteve të ndryshme te qytetarët, në këmbim të votës.
Më datë 8 prill është paraqitur dhe ka bërë kallëzim shtetasi Basir Çollaku, 56 vjeç, banues në Tiranë, kandidat për deputet në Kuvendin e Shqipërisë pasi dyshonte se në fshatin Bushkash, Mat, disa persona të panjohur nga ana e tij, po shpërndanin produkte të ndryshme me një automjet (furgon), me qëllim favorizimin e subjekteve politike.
Menjëherë pas administrimit të kallëzimit, shërbimet e policisë Mat, kanë bërë shoqërimin e drejtuesit të automjetit shtetasi F.L., së bashku me automjetin e tij furgon, ku nga këqyrja dhe veprimet hetimore nuk u konstatua asnjë send apo veprim i kundraligjshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
